La reja de Versailles, dizesta anca casteło de Versailles o (inpropiamente) pałaso de Versailles o senplegamente par antonomàzia Versailles, ła ze un'antiga e grandioza rezidensa reałe dei Borbon de Fransa situada inte ła sitadina de Versailles, inte el departemento de łe Yvelines, ła cuała, ponesta a sirca 15 chiłòmetri verso òvest de Parize, ła se ga desviłupada e ła ga sorbio col tenpo inportansa pròpio gràsie a ła prezensa de ła istesa reja. El casteło e el so parco i ze unanemamente reconosesti cofà una de łe òpare architetòneghe de mejo refinamento de tuta ła istòria de l'omo, tanto che dal 1979 ła reja ła ze devegnesta un ben protezesto da l'UNESCO.